Personvernerklæring

FLOGVIT blir driven av Vegard Hanssen. Tenesta kan brukast utan konto og utan at noko blir lagra om deg hos oss. Denne sida forklarer kva som blir lagra når du vel å bruke konto og FLOGVIT.plus.

Lagring på eininga di

Spelframgang (påbyrja brett, løyste oppgåver, streak, innstillingar) blir lagra lokalt i nettlesaren din (localStorage) og blir ikkje send til oss så lenge du ikkje er innlogga. Vi bruker ingen sporings- eller analyseverktøy og ingen tredjeparts-cookies for sporing. Innlogga brukarar får ein nødvendig sesjons-cookie, og innstillingar (tema/språk) blir lagra i ein preferanse-cookie (fv-prefs).

Puzzles-appane og duellen

FLOGVIT.puzzles for iPhone og Android held framgangen din på telefonen. Innlogga sender appen det same som nettsida: innlogginga (appen har eit token i nøkkelringen på telefonen, aldri passordet ditt) og, med FLOGVIT.plus, oppgåvene du har løyst og bretta du held på med. I ein duell går visingsnamnet ditt og trekka dine til duellserveren, og motspelaren ser namnet ditt; resultata, rangeringa og kor mange duellar du har spela i dag blir lagra med kontoen, og eit ferdig spel kan spelast av for ein annan spelar når ingen er ledige. Appane har ingen reklame, inga sporing og ingen analyseverktøy. Alt blir sletta med kontoen.

FLOGVIT.photosuite og appane

FLOGVIT.photosuite, på datamaskinene og i appane for iPhone og Android, held bileta dine på dine eigne einingar. Innlogga lagrar vi: lisensen din og einingane han er aktivert på (namnet deira og ein id eininga gir appen); med FLOGVIT.plus merka, redigeringane, bilettekstane og albuma du synkroniserer mellom einingane dine, og førehandsvisingane du vel å ha på dei, som tel i lagringa di; bileta du publiserer i galleriet ditt eller i eit arrangement på eventphotos; namn du skriv i Capture, med samtykke frå den som er fotografert; og tilbakemeldingar du sender frå appen, med loggen, krasjrapporten og skjermbiletet du lèt stå avkryssa. Bilete blir aldri lasta opp utan at du synkroniserer eller publiserer dei. Appane har ingen reklame, inga sporing og ingen analyseverktøy. Alt blir sletta med kontoen.

Bruksstatistikk

Vi tel besøk per produkt og land, på vår eigen server. Landet blir slått opp frå IP-adressa, og besøket blir talt med ein hash som blir salta på nytt kvar dag; sjølve IP-adressa blir aldri lagra eller send nokon stad, og ingenting blir knytt til kontoen din.

Kva vi lagrar med konto

• E-postadresse, visingsnamn og eit kryptografisk hasha passord (scrypt) — aldri passordet i klartekst.
• Med FLOGVIT.plus: løysestatistikk og favorittar (kva oppgåver du har løyst, tid, dato), slik at framgangen kan følgje deg mellom einingar.
• Abonnementsstatus frå betalingsleverandøren (sjå under).

E-post

Vi sender e-post berre for kontostadfesting, passordnullstilling og kvittering på FLOGVIT.plus-aktivering. Utsendinga skjer via Scaleway Transactional Email i EU (region Paris). Ingen nyheitsbrev, inga deling av adressa.

Betaling

FLOGVIT.plus og bildelagring blir betalt gjennom Stripe, som via tenesta Link er seljar (merchant of record) og behandlingsansvarleg for sjølve betalinga. Kortdata og faktureringsdetaljar blir lagra hos Stripe — aldri hos oss. Vi mottek berre abonnementsstatus og ein kunde-/abonnementsreferanse. Sjå Stripe si eiga personvernerklæring på stripe.com/privacy.

App Store

I iPhone-appen kan FLOGVIT.plus òg kjøpast i App Store. Apple tek betalinga og har betalingsopplysningane; vi får den signerte transaksjonen (produkt, periode og ordrereferansen til Apple) for å gi kontoen din FLOGVIT.plus. Du administrerer og seier opp abonnementet i kontoinnstillingane i App Store; å slette FLOGVIT-kontoen seier det ikkje opp.

Rettane dine

Du kan når som helst sjå og endre kontoopplysningane dine på kontosida, og slette kontoen med all tilhøyrande framgang der («Slett konto»). Sletting skjer med ein gong og kan ikkje angrast. For innsyn, retting eller andre førespurnader: support@flogvit.com.

Sist oppdatert: 30. oktober 2026